iPhone 14 max: 120Hz ரிப்ரஷ் ரேட் கொண்ட எல்ஜி டிஸ்ப்ளே உடன் வெளிவரும் ஐபோன் 14 மேக்ஸ்

ஐபோன் 14 மேக்ஸ்

2022ஆம் ஆண்டு களம்காணும் iPhone 14 max4 மேக்ஸ் ஸ்மார்ட்போனில் 120 ஹெர்ட்ஸ் ரிப்ரஷ் ரேட் கொண்ட எல்ஜி நிறுவனத்தின் ஒலெட் தொடுதிரை இருக்கும் என தகவல் வெளியாகியுள்ளது.

ஹைலைட்ஸ்:

  • ஐபோன் 14 மேக்ஸ் டிஸ்ப்ளே
  • எல்ஜி நிறுவனத்தின் OLED பேனல்
  • அனைத்து வகைகளிலும் இ-சிம் வசதி
  • i phone 14 max

அடுத்தாண்டு வரவிருக்கும் ஐபோன் 14 (iPhone 14) ஸ்மார்ட்போன் தொகுப்புகளின் டிஸ்ப்ளே குறித்த தகவல் வெளியாகியுள்ளது. அதாவது, வெளியாக தயாராகிக் கொண்டிருக்கும் ஐபோன் 14, ஐபோன் 14 மேக்ஸ், ஐபோன் 14 ப்ரோ, ஐபோன் 14 ப்ரோ மேக்ஸ் ஆகிய ஸ்மார்ட்போன் தொகுப்புகளில் எல்ஜி நிறுவனத்தின், ஒலெட் திரையை மையமாகக் கொண்ட எல்டிபிஒ (LTPO) தொடுதிரை இருக்கும் என்று கூறப்பட்டுள்ளது. ஐபோன் 14 மேக்ஸ்

எல்டிபிஒ என்பது குறைந்த வெப்பநிலை கொண்ட பாலிகிரிஸ்டலின் ஆக்சைடு ஆகும். ஐபோன் 14 ஸ்மார்ட்போன்களுக்காக இந்த டிஸ்ப்ளேக்களை தயாரிக்க, ஆப்பிள் நிறுவனத்திடம் இருந்து எல்ஜி நிறுவனம் பிரத்யேக ஆர்டர்களை பெற்றுள்ளது. இந்த திரை 120Hz ஹெர்ட்ஸ் ரிப்ரஷ் ரேட் உடன் வரும் என்று எதிர்பார்க்கப்படுகிறது.

முன்னதாக ஐபோன் 14 ப்ரோ வகை ஸ்மார்ட்போன்களில் 8ஜிபி ரேம் உடன் பஞ்ச்-ஹோல் தொடுதிரை இடம்பெறும் என்று தகவல்கள் தெரிவித்தன. அதில், ஐபோன் 14 ப்ரோ (iPhone 14 Pro) 6.06 அங்குல திரையுடனும், ஐபோன் 14 ப்ரோ மேக்ஸ் (iPhone 14 Pro Max) 6.7 அங்குல திரையுடனும் எல்ஜி எல்டிபிஒ 120Hz ஹெர்ட்ஸ் ஒலெட் (OLED) பேனல்களைப் கொண்டு இயங்கும் எனக் கூறப்பட்டது.

மேலும், அதிவிரைவாக கோப்புகளை பரிமாறும் வகையில் ஆப்பிள் நிறுவனம் தங்கள் ஸ்மார்ட்போன்களில் சேமிப்புத் திறனை புதிய தொழில்நுட்பத்துடன் அதிகரிக்கவுள்ளது. 2 டிபி வரை ஐபோன் 14 ஸ்மார்ட்போன்களில் ஸ்டேரேஜ் இருக்கலாம் எனக் கணிக்கப்பட்டுள்ளது.

கூடுதலாக, ஆப்பிள் நிறுவனம் ஐபோன் 14 ஸ்மார்ட்போன் தொகுப்பில் இருந்து சிம் ஸ்லாட்டை நீக்க முடிவெடுத்துள்ளது. சிம் ஸ்லாட் இல்லாத ஐபோன் மாடல்களை செப்டம்பர் 2022க்குள் அறிமுகப்படுத்தவும் திட்டமிட்டுள்ளது.

தொழில்நுட்பங்கள் வளர்ந்துவரும் காலகட்டத்தில், அனைத்து டிஜிட்டல் மையமாக மாறிவருகிறது. ஸ்மார்ட்போன் தயாரிப்பு நிறுவனங்களும் முறையே பல தொழில்நுட்பங்களை அமல்படுத்திவருகின்றனர். அந்தவகையில், ஆப்பிள் நிறுவனம் தங்களின் ஐபோன் எக்ஸ்.ஆர் (iPhone XR) ஸ்மார்ட்போன் மூலம் இ-சிம் வசதியை அறிமுகம் செய்தது.

அதனை முறைப்படுத்தி, தங்களின் அடுத்து வரும் ஸ்மார்ட்போன்களை சிம் ஸ்லாட் இல்லாமல், இ-சிம் உடன் களமிறக்க ஆப்பிள் நிறுவனம் திட்டமிட்டுள்ளது. அதாவது ‘மேக் ரூமர்ஸ்’ தரவுகளின்படி, 2023ஆம் ஆண்டில் வெளியாகும் ஐபோன் 15 ஸ்மார்ட்போன்களில் சிம் ஸ்லாட் இருக்காது என்று தெரிவித்துள்ளது.

thanks to/

Leave a Reply

Your email address will not be published. Required fields are marked *